बारा, जेष्ठ ४ - हुरीले मटिअर्वा ९ मा बिहीबार साँझ घर भत्किँदा बालकको मृत्यु भएको छ । स्थानीय रामनारायण ठाकुरको फुसको घर भत्किँदा घरको छानाले किचिएर १२ वर्षीय छोरा गौरीशंकर कुमारको मृत्यु भएको प्रहरी चौकी मटिअर्वाले जनाएको छ । छानोले किचिएर गम्भीर घाइते भएका गौरीशंकरलाई उपचारका लागि जिल्ला अस्पताल कलैया ल्याउने क्रममा बाटोमा मृत्यु भएको प्रहरीले जनायो । घर भत्केर ठाकुर परिवार घरवारविहीन भएका छन् ।
